ഓണം
മഹാബലിയുടെ യാത്ര അവസാനിച്ചത്
ചാണകം മെഴുകിയ ഇറയമുള്ള
പുല്ലുമേഞ്ഞ കുടിലിനു മുന്നില്
മുറ്റത്തു കാറ്റ് ചിതറിച്ച പൂക്കളത്തില്
ഏതാനും തുമ്പപ്പൂവുകള്
അവിടവിടെയായ് അവശേഷിച്ചിരുന്നു
ഇറയത്തു അക്ഷമയോടെ
അച്ഛനെ കാത്തിരിയ്ക്കുന്ന
ഓമനത്വമുള്ള ആണ്കുഞ്ഞു
അവനറിഞ്ഞിരുന്നില്ല പുത്തനുടുപ്പും
സമ്മാനങ്ങളും വാങ്ങാന് പോയ അച്ഛനെ
മതഭ്രാന്തന്മാര് വെട്ടിയരിഞ്ഞു
വഴിയിലെറിഞ്ഞത്
മഹാബലിയുടെ കണ്ണില് നിന്നിറ്റു വീണ
കണ്ണീര്തുള്ളികള് തുമ്പപ്പൂക്കളെ
ചോരച്ചുവപ്പണിയിയ്ക്കുന്നത്
അവനത്ഭുതത്തോടെ നോക്കിയിരുന്നു
ഓണം കണ്ണീരണിയുന്നതറിയാതെ..
ചാണകം മെഴുകിയ ഇറയമുള്ള
പുല്ലുമേഞ്ഞ കുടിലിനു മുന്നില്
മുറ്റത്തു കാറ്റ് ചിതറിച്ച പൂക്കളത്തില്
ഏതാനും തുമ്പപ്പൂവുകള്
അവിടവിടെയായ് അവശേഷിച്ചിരുന്നു
ഇറയത്തു അക്ഷമയോടെ
അച്ഛനെ കാത്തിരിയ്ക്കുന്ന
ഓമനത്വമുള്ള ആണ്കുഞ്ഞു
അവനറിഞ്ഞിരുന്നില്ല പുത്തനുടുപ്പും
സമ്മാനങ്ങളും വാങ്ങാന് പോയ അച്ഛനെ
മതഭ്രാന്തന്മാര് വെട്ടിയരിഞ്ഞു
വഴിയിലെറിഞ്ഞത്
മഹാബലിയുടെ കണ്ണില് നിന്നിറ്റു വീണ
കണ്ണീര്തുള്ളികള് തുമ്പപ്പൂക്കളെ
ചോരച്ചുവപ്പണിയിയ്ക്കുന്നത്
അവനത്ഭുതത്തോടെ നോക്കിയിരുന്നു
ഓണം കണ്ണീരണിയുന്നതറിയാതെ..
ഷീജാ അനില്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ